Чоң-Алай районунда кар көчкү түшүп, 2 адам отурган унааны басып калды. Бул тууралуу ӨКМдин басма сөз кызматы билдирди.
Маалыматка ылайык, кечээ, 5-февраль күнү саат 18:40 чамасында жана саат 19:34 чамасында Дароот-Коргон айылында катары менен эки жолу кар көчкү түшүп Деу Матиз унаасын басып калган. Унаанын ичинде 2 адам болгон.
«Унаанын ичинде 2 адам болуп, ал №16 ЖТИ кызматкерлери тарабынан унаадан чыгарылган. Ал эми кар көчкү басып калган Деу Матиз унаасын куткаруучулар чыгарууга жардам беришкен. 2 адам өздөрүнүн унаасында үйлөрүнө кетишкен»,-деп айтылат маалыматта.
