Түркмөнстан президенти Гурбангулы Бердымухамедов жаныбарлар үчүн “борборлоштурулган клиника” ачууну буюрду. Анын алкагында жолбун иттер үчүн атайын жай уюштурулат.
Мамлекеттик ММКлардын билдиришинче, медициналык мекеме өкмөттүн камкордугунда болуп, ага ишкерлер, жаныбарлардын укугун коргогон ыктыярчылар жардам көрсөтөт.
Буга чейин “Азаттыктын”түркмөн кызматы Ашхабадда жана Түркмөнстандын башка аймактарында жолбун жаныбарларды атуу өнөктүгү күч алганын, аларга катаал мамиле жасалып жатканын кабарлаган.
Ашхабаддык активисттердин айтымында, жолбун жаныбарларды кабыл алуу жайы 2018-жылы августта жабылып калган.
