Максатбек ажы Токтомушев IV Эл аралык илимий-диний конференцияга катышууда

Автор -

Муфтий Максатбек ажы Токтомушев Казакстанда өтүп жаткан IV Эл аралык илимий-диний конференцияга катышууда. Бул тууралуу муфтияттын басма сөз кызматы билдирди. мен

Кыргызстан Мусулмандарынын Азирети Муфтийи Максатбек ажы Токтомушев Казакстан Республикасынын Нур-Султаншаарында Казакстан Мусулмандарынын Дин Башкармасы Орусия Муфтийлер Кеңеши жана  Орусия Мусулмандарынын Дин Башкармасы менен биргеликте уюштуруп жаткан «Руханий Жибек-Жолу, Ислам жана жаштар: Бүгүнкү күндүн чакырыктары» аталышындагыIV Эл аралык илимий-диний конференцияга катышууда.

IV Эл аралык илимий-диний конференцияга Кыргызстан Мусулмандарынын Аалымдар Кеңешинин төрагасы Абибилла ажы Кадырбердиев, Аалымдар Кеңешинин мүчөлөрү Чубак ажы Жалилов, Кадыр ажы Маликов, КР Дин иштери боюнча мамлекеттик комиссиясынын директоруну орун басары Закир Чотаев, Орусия Муфтийлер Кеңешинин төрагасы шейх Равиль Гайнутдин, Өзбекстан мамлекетинин Муфтийи  Усмонхон ажы Алимов, Қытай Ислам ассоциациясынын төрагасы Хасан Фа Мин, Монголия мамлекетинин Муфтийи Батырбек Хадыс, Финляндиядагы Ислам ортолугунун төрагасы Голтен Бедретдин баштаган 300 делегат катышып, бүгүнкү күндөгү актуалдуу маселелерди талкуулашууда.

Ал эми Азирети Муфтий  Максатбек ажы Токтомушев бүгүнкү күндө жаштар арасында түшүндүрүү, агартуу иштерин жүргүзүү керектигине токтолуп, жаштар эртенки күндүн келечеги экендигин баса белгиледи.

«Биз жаш муундарыбызга жакшы тарбия берип, аларды ыймандуу, зирек, адептүү жана билимдүү кылып тарбиялашыбыз керек. Билим алуу ийне менен кудук казгандай-демекчи жаштар жаштайынан тартып билим алууга умтулуусу зарыл. Бул жаштык кездеги эң бир ыңгайлуу учур»,-деди өз сөзүндө Азирети Муфтий.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү