24-апрелде Каракалпакстандын Беруни районунда жашаган 29 жаштагы дыйкан Шухрат Сапаров уй сарайда асынып алган. Бирок аны өз убагында байкап калган туугандары куткарып калышкан.
Маалыматтарга караганда, Сапаров оор абалда райондук ооруканага жеткирилген.
Дыйкандын туугандарынын айтымында, ал район акиминин жемесине чыдабай ушундай кадамга барган. «Жакында эле аким менен анын орун басары жыйын өткөрүп, Шухрат Сапаров пахтанын ордуна коон өстүргөндүктөн, анын жерин тартып ала тургандыктарын айтышкан. Андан соң Шухратты кемсинтип, жыйындан кууп жиберишкен», — деди Сапаровдун туугандарынын бири.
Ал туугандар район бийлиги тарабынан көрсөтүлгөн кысымдар боюнча президент Шавкат Мирзиёевдин кабылдамасына даттанууга ниеттенип жатышканын кошумчалады.
Акимчилик өкүлү Шухрат Сапаровдун жери пахтанын ордуна коон өстүргөндүгү үчүн алынганын ырастады.
Жергиликтүү милиция бөлүмүнөн бул факты боюнча райондук прокуратура тергөө иштерин баштаганын кабарлашты.
