Сокулукта 44 жаштагы киши кудукка түшүп кетти. Бул тууралуу ӨКМдин маалымат кызматы билдирди.
Маалыматка ылайык, 27-май күнү саат 07:52 Краснодарский көчөсүндө жайгашкан кудуктун ичине 1975-жылы туулган Л.А. аттуу эркек киши түшүп кеткен.
КР ӨКМнин өрт-куткаруу бөлүгүнүн куткаруучулары эркек кишини кудуктан чыгарышып, биринчи медициналык жардам көрсөтүшүп, тез жардам кызматкерлерине өткөрүп беришкен.
Учурда абалы канаттандыраарлык.
