Атамбаевди куттуктаган УКМКнын кызматкери эмне себептен жумуштан алынганы маалым болду

Автор -

УКМК өздүк коопсуздук кызматы тарабынан 9-кызматтын кызматкери Канат Сагымбаевге карата эки кызматтык териштирүү иштери жүрүүдө. Бул тууралуу мекемеден билдиришти.

Маалыматка ылайык, июль айында Канат Сагымбаев кайтаруудагы объект жок учурда жетекчиликтин кызматтык куралды тапшырып, атайын техниканы гаражга өткөрүү көрсөтмөсүн аткарбай койгон. Анын жыйынтыгында ага толук эмес кызматтык шайкештик жарыяланган.

Андан сырткары, ал коопсуздук кызматынын ички инструкциясын бузуп, жалпыга маалымдоо каражаттарынын өкүлдөрү менен байланышка барган.

Канат Сагымбаев «Кызматтык дал келбестик» беренесинин негизинде коопсуздук органдарынан бошотулду.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү