Президент Сооронбай Жээнбеков кечээ, 20-октябрда иш сапары менен Японияга учуп кетти.
Президенттин басма сөз кызматы билдиргендей, Жээнбеков Япониянын императору Нарухитонун такка отуруу аземине катышат. Япон премьер-министри Синдзо Абэ менен эки тараптуу жолугушуу да пландалган.
Өлкө башчы мындан тышкары Япониянын ири корпорацияларынын жетекчилери жана ал жакта жашаган, окуп-иштеген кыргызстандыктар менен жолугушат.
Япониянын өкмөт башчысы баштаган жоон топ делегация Кыргызстанга 2015-жылы келип кеткен.
Эки өлкөнүн ортосунда дипломатиялык алакалар 1992-жылдын 26-январында түзүлгөн.
