Канат Сагымбаевдин иши боюнча 16 экспертиза дайындалды

Автор -

УКМКнын Тогузунчу кызматынын мурунку кызматкери Канат Сагымбаевдин иши боюнча 16 экспертиза дайындалды. Бул тууралуу анын жактоочусуна таянып, 24.kg агенттиги билдирди.

Анын айтымында, баллистикалык экспертиза дагы жүргүзүлүүдө. Эксперттер «Альфанын» командиринин орун басары Үсөнбек Ниязбековго кайсыл куралдан ок атылганын аныкташа элек.

Юристтин билдирүүсүндө, айыпталуучунун иши боюнча тергөөнү дагы 2 айга узартышы мүмкүн. Канат Сагымбаев тергөөчүлөрдүн суроолоруна жооп бербей, жүздөштүрүлгөн маалда унчукпай жатат.

Буга чейин Канат Сагымбаев КСДП саясий уюмунун мүчөсү Алга Кылычев менен беттештирүүдөн баш тарткан.

Эске салсак, мурунку мамлекет башчы 8-августта бийликке багынып бергенден кийин, ошол эле кечте ИИМдин сурагына Канат Сагынбаев дагы алынып келинген. Ага Кой-Таштагы башаламандык фактысы боюнча кылмыш ишине катыштыгы бар делип айып коюлган.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү