Феминалле көргөзмөсүнүн чуусу Мира Жангарачеваны кызматтан кетирди

Автор -

Гапар Айтиев атындагы көркөм-сүрөт музейинин жетекчиси Мира Жангарачева бүгүн, 2-декабрда өз каалоосу менен кызматтан кетүү тууралуу арыз жазды. Бул тууралуу жергиликтүү ЖМКлар билдиришти.

Анын кызматтан кетишине музейде өткөн Феминалле көргөзмөсү себеп болгону айтылууда. Иш-чарада кыздар жылаңачтанып басып жүргөнүн чагылдырган видео тарап, ал коомчулуктун катуу нааразычылыгын жараткан.

Мира Жангарачеванын айтымында, мындай кадамга ал музей кызматкерлерин жана Феминалле көргөзмөсүнүн уюштуруучуларын коомдогу айрым топтордун коркутуп-үркүтүүлөрүнөн коргоо максатында барган.

Маданият министри Азамат Жаманкулов бул боюнча ЖМК өкүлдөрүнө комментарий берип, аталган иш-чараны колдобой турганын жана Жангарачеванын арызына кол койгонун билдирди.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү