«Манас» эл аралык аэропортунда туман түшкөнүнө байланыштуу айрым каттамдар жылдырылды. Бул тууралуу мекеменин басма сөз кызматынан билдиришти.
Маалыматка караганда, бүгүн, 23-январда аэропорттун аймагында таңкы 3:00дөн тартып аба ырайы туруксуз болуп, туман түшүп турат.
«Учурда Москва-Бишкек-Москва жана Ташкент-Бишкек-Ташкент багытындагы эки каттамдын убактысы жылдырылды. Ошондой эле Ош-Бишкек ички каттамы кармалып жатат», -деп айтылат маалыматта.
Аэропорттун басма сөз кызматы каттамдар тууралуу маалыматты төмөндөгү телефондор аркылуу тактап алууну суранат: «Манас» — 0 312 693109 жана «Ош» — 0 3222 90101.
