Кыргызстандык мугалимдер Японияда акысыз окуудан өтө алат

Автор -

Кыргызстандык мугалимдер Японияда акысыз окуудан өтө алат. Бул тууралуу Билим берүү жана илим министрлигинин басма сөз кызматы билдирди.

Кыргызстандагы мектептердин башталгыч жана орто класстарынын мугалимдери Япония өкмөтүнүн бир жылдык агартуучулук программасына катыша алышат.

Программа “Жаш окутуучулар үчүн” деп аталат.

Талаптар:

  • 35 жаштан жогору эмес;
  • жалпысынан беш жылдан кем эмес мугалимдик тажрыйбасы бар.

Япон тилин кошумча үйрөнүүгө муктаждар Японияга барган соң алты ай ичинде курска катышат.

Талапкерлер билдирме-анкетаны 28-февралга чейин Япония элчилигине бериши керек. Дареги: Бишкек шаары, Раззаков көчөсү 16.

Талапкерлерди тандоо эки этап менен өтөт:

  • Жазуу жүзүндөгү тест 4-мартта, маектешүү 11-мартта өтөт.
  • Эки сынак тең Адамзатты өнүктүрүү боюнча кыргыз-япон борборунда өтөт. (Дареги: Бишкек шаары, Турусбеков 109, Ж. Баласагын атындагы КУУ, 7- корпус, 2-кабат).

Кенен маалымат жана керектүү документтерди шилтемеден таба аласыз
https://www.kg.emb-japan.go.jp/itpr_ru/education_ru.html

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү