Diamond Princess круизиндеги кыргызстандык жаран Японияда дарыланууда

Автор -

Diamond Princess круизиндеги кыргызстандык жаран Япониянын улуттук госпиталында карантинде жатат. Бул туурасында бүгүн, 21-февралда өткөн маалымат жыйында тышкы иштер министринин орун басары Нурлан Абдрахманов билдирди.

Анын айтымында, Кыргызстандын Япониядагы элчилиги круиздик лайнердин экипаж мүчөсү болгон кыргыз жараны менен 6-февралдан бери үзгүлтүксүз байланышта болуп келет.

«Элчиликтин маалыматына караганда, ал өзүн жакшы сезип жатат. Моралдык-психологиялык абалы да жакшы. Оорунун белгилери байкалган жок», — деп билдирди ал.

Министрдин орун басарынын божомолунда, карантин аяктагандан кийин кыргыз жараны мекенине кайтышы мүмкүн.

Эскерте кетсек, Diamond Princess круиздик лайнеринин айрым жүргүнчүлөрүнөн коронавирустун белгилери табылганына байланыштуу, кеме 5-январда Япониянын Йокогама портуна токтотулган. Инфекция Гонконгдун 25-январь күнү кемеден түшүп калган 80 жаштагы жашоочусунан тараганы белгилүү болгон.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү