Үсөнбаев: Жаңы учурлардын жетөө сырттан келгендерден табылды

Автор -
Иллюстрациялык сүрөт

Бүгүнкү күндө коронавирус боюнча абал-көзөмөлдө. Жаңы учурлардын баары байланышта болгон адамдарды кеңири издөө ишинин арты менен аныкталды, деп билдирди бүгүн, 20-майда, саламаттык сактоо министринин орун басары Нурболот Үсөнбаев.

Анын айтымында, бүгүнкү 27 учурдун жетөө сырттан келгендерден табылды:

  • Москвадан — 5;
  • Самарадан — 1;
  • Тажикстандан -1;

«Ал эми калган 20 адам вирус жуктуруп алгандар менен байланышта болгону тастыкталды», -деди аткаминер. Алардын тогузу Нарындагы медицина кызматкерлери экени брифингдин жүрүшүндө белгилүү болду.

Бүгүнкүгө карата өлкөдө коронавирус жуктургандардын саны 1 270 адамга жетти. Алардын ичинен 910 адам айыгып чыкты. Ооруканаларда 346 адам дарыланууда. Каза тапкандар -14.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү