Социалдык төлөмдөрдү төлөө мөөнөтү узартылды. Документ талап кылынбайт

Автор -
Сүрөт: saat.kg

Өзгөчө кырдаалдын/өзгөчө абалдын режими жокко чыгарылган айдан кийинки айдын акыркы күнүнө чейин социалдык төлөмдөр документтерди талап кылуусуз төлөнөт. Бул тууралуу Эмгек жана социалдык өнүктүрүү министрлиги билдирет.

Мекеменин маалыматына караганда, төмөнкү социалдык төлөмдөрдүн мөөнөттөрү узартылды:

– Мамлекеттик жөлөкпулдар дайындалган адамдарга мамлекеттик жөлөкпулдарды төлөөнүн;

– Жеңилдиктердин ордуна ай сайын акчалай компенсация алуучу адамдарга жеңилдиктердин ордуна ай сайын акчалай компенсация төлөөнүн;

– майыптыгы боюнча пенсия алуучу ден соолугунун мүмкүнчүлүктөрү чектелүү адамдарга пенсияларды төлөп берүүнүн;

– дайыма кароого жана көзөмөлгө муктаж ден соолугунун мүмкүнчүлүктөрү чектелген баланы багуу боюнча жеке ассистенттердин кызмат көрсөтүүлөрүнө келишимдердин колдонулушу;

– маалым каттын колдонуу мөөнөтү токтотула тургандыгы белгиленген күнгө карата майыптыгынын тобун өзгөртпөстөн, өтүп кеткен мөөнөттү андан ары эсептөө менен, аймактык (райондор аралык) медициналык-социалдык эксперттик комиссиялардын майыптуулукту белгилеген маалым каттарынын, ошондой эле кезектеги кайра күбөлөндүрүүнүн колдонулушу;

– дайыма кароого жана көзөмөлгө муктаж болгон ден соолугунун мүмкүнчүлүктөрү чектелген баланы багуу боюнча жеке ассистенттерге милдеттүү мамлекеттик камсыздандыруу боюнча ыктыярдуу патенттин жана камсыздандыруу полистеринин жарактуулук мөөнөтү;

– баланы (балдарды) багып алуучу үй-бүлөгө тарбиялоого берүү жөнүндө келишимдердин колдонулушу;

– багып алган балдарга кам көрүүгө финансы каражаттарын, ошондой эле багып алуучу ата-энелердин эмгек акысын төлөп берүүнүн;

– ден соолугунун мүмкүнчүлүктөрү чектелүү адамдарга берилген санаториялык-курорттук мекемелерге жолдомолордун колдонулушу;

– жумушсуздук боюнча жөлөкпул алуучу жарандарга жумуш издөө жөнүндө маалыматтарды талап кылбастан, жумушсуздук боюнча жөлөкпул төлөп берүүнүн.

Бул чара COVID-19 коронавирус инфекциясынын жайылышына байланыштуу киргизилген өзгөчө кырдаал/өзгөчө абал шартында социалдык туруктуулукту камсыз кылуу жана калктын социалдык аялуу катмарына социалдык колдоо көрсөтүү максатында кабыл алынган.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү