Бүгүнкү күндө чет өлкөдө жүргөн 154 кыргызстандык коронавирус инфекциясын жуктуруп алган. Бул тууралуу Штаб жыйынынын жүрүшүндө тышкы иштер министринин орун басары Нурлан Абдрахманов билдирди.
Абдрахманов маалымдагандай, Орусияда 105 адам COVID-19 дартына чалдыккан, Бириккен Араб Эмиратында – 7 адам болсо (5 дарыланып чыккан), Пакистанда – 22 (бардыгы ооруканадан чыккан), Индияда – 7 (1 киши каза болгон, 6 ооруканадан чыгарылган), Испанияда – 1 (ооруканадан чыккан), Малайзияда – 3 (ооруканадан чыккан), Америка Кошмо Штатында – 1 (айыгып чыккан), Өзбекстанда — 1, Грецияда — 1 (ооруканадан чыккан), Казакстанда – 5 (4 — Бишкекте, 1 –Алматыда дарыланууда), Италияда 1 адам бар.
Эске салсак, Кыргызстанда коронавирус жуктургандардын жалпы саны 1350 адамга жетти. Алардын ичинен 949 бейтап сакайып, 14 адам каза болду.
