Тогуз-Торо районундагы Кара-Көө ашуусунда жол кырсыгынан бир киши каза таап, 4 киши жабыркады. Бул туурасында Өзгөчо кырдаалдар министрлигинен кабарлашты.
Маалыматка караганда, 3-декабрь күнү саат 18:00де Казарман-Актал-Чат
унаа жолунун 73-чакырымдарында (Кара-Көө ашуусу) «Тойота Гайя» унаасынын
айдоочусу рулду башкара албай жолдон чыгып кеткен.
Натыйжада 61 жаштагы эркек адам каза болуп, 4 адам (1974-жылы туулган эркек адам, 1975-жылы туулган жана 1995- жылы туулган аял кишилер, 2014-жылы туулган жаш бала) жабыркаган.
Тартылган КР ӨКМнин №46 өрткө каршы куткаруу бөлүгүнүн куткаруучулары жабыркагандарды унаадан чыгарышып тез жардам кызматына өткөрүп беришкен.
