Төө-Ашууда эки жеңил унаанын катышуусунда жол кырсыгы орун алды. Чүй облустук жол кыймылынын коопсуздугун камсыздоо башкы башкармалыгынын басма сөз кызматы билдиргендей, авариянын кесепетинен 5 адам жабыркаган.
Жол кырсыгы бүгүн, 16-декабрда, саат 13:00 чамасында болгону маалым. 101-чакырымда «Субару Аутбек» менен «Субару Форестер» унаасы кагышкан. Жабыркагандар ар кандай жаракаттарды алышты. Учурда кырсыктын чоо-жайы такталууда.
Окуянын видеосу «Короче» телеграм-каналына жарыяланды.
