Аукцион nomer.srs.kg сайтында өткөрүлөт.
А сериясынын онлайн соодасы 37 түрмөк номерлерден турат. Соода 21-22 жана 28-сентябрда 3 этап менен өтөт.
001 комбинациясы, тамгалары бирдей (001 ААА) баштапкы баасы — 70 миң сом.
Ушул эле номер, тамгалары ар кандай (001 ААВ) — баштапкы баасы 63 миң сом.
777 комбинациясы — 60 миң сомдон башталат, тамгалары ар кандай — 54 миң сом. 111, 222, 333, 444, 555, 666, 888, 999 тамгалары бирдей — 40 миң, 36 миң — тамгалары ар кандайлар.
002, 003, 004, 005, 006, 007, 008, 009, 100, 200, 300, 400, 500, 600, 700, 800, 900- 36 миң, ал эми тамгалары ар кандайлардын баштапкы баасы — 30- 27 миң.
Эң арзан номерлер 5 миң жана 4,5 миңден- 010, 020, 030, 040, 050, 060, 070, 080, 090, 330 .
Аукционго катышуу үчүн алгач nomer.srs.kg сайтына катталуу керек. Андан соң жаккан номерди тандап , арыз толтурулат. Кийинки баскыч ЭлСом электрондук капчыгы аркылуу баштапкы баанын 10% түзгөн кепилдик төгүмдү төлөө керек.
Аталган аукционго унаа ээлери каалаган смартфондон катыша алышат. Каттодон соң катышуучунун уюлдук телефонуна SMS билдирүүлөр келип турат.
Соода бир гана онлайн түрүндө өтөт. Эң чоң сумманы сунуштаган жеңүүчү аталат.
