Жапониялык миллиардер, искусство коллекционери Юсаку Маэдзава 2023-жылы SpaceX компаниясынын Big Falcon Rocket ракета алып жүрүүчүсү менен Айга учуп бара турган алгачкы космостук турист болот. Бул тууралуу компания Твиттер баракчасы аркылуу кабарлады.
The first private passenger to fly around the Moon aboard BFR is fashion innovator and globally recognized art curator Yusaku Maezawa.
— SpaceX (@SpaceX) September 18, 2018
Бир жумага созула турган экспедиция маалында ракета Айга 200 чакырым аралыкка чейин жакындап, андан соң Жерге кайтып келет.
Hanging out with @yousuck2020 before the @SpaceX moon mission announcement pic.twitter.com/RTOwutzMtG
— Elon Musk (@elonmusk) September 18, 2018
Маэдзава өзү менен бирге Айга учууга сүрөтчү, музыкант, модельер жана режиссерлордон турган дүйнөдөгү алты же сегиз искусство ишмерин чакыра турганын билдирди. Азырынча алардын аты-жөнү жана Айга учуу үчүн Маэдзаванын SpaceX компаниясына канча акча төлөй тургандыгы белгисиз.
