Нарындын Ат-Башы районуна караштуу Ак-Сай жайлоосунда төрөлүп, тоо коюнунда бой жетип, бактысын ошол жерде таап жети балалуу болгон баатыр эне Айнагүл Исакованын бир күндүк түйшүгү тартылган. Таң аткандан күн батканга чейин жаны тынбаган Айнагүл менен анын үй-бүлөсүнүн жайлоодогу түйшүгү тууралуу маркум Уланбек Эгизбаев менен Бексултан Абибакир уулу быйыл жайында тартып келишкен.
Бул Уланбек Эгизбаевдин эң акыркы тасмасы болуп калды.
