Кыргыз Республикасынын Улуттук илимдер академиясынын Сейсмология институтунун маалыматына ылайык, 9-апрель күнү саат 16:35те Жалал-Абад облусунун аймагында очогунда күчү 3 баллга жеткен жер титирөө катталган.
Жер титирөө Токтогул районунун Үч-Терек, Кетмен-Төбө, Саргата айылдарында — 3 баллга, Кара-Жыгач, Торкент айылдарында – 2,5 баллга жана Токтогул шаарында 2 баллга чейин сезилген.
Жер титирөөдөн жабыркагандар жана кыйроолор катталган жок.
