Бишкектин Медеров көчөсүндө кичи автобус токтоп турган жеңил унааны сүзүп алды. Бул туурасында Super.kg порталына күбөлөр билдиришти.
Маалыматка караганда, кырсык бүгүн, 6-ноябрда Жазаларды аткаруу мамлекеттик кызматынын Түзөтүү мекемелерин кайтаруу департаментинин алдында болгон. Аталган департаменттен билдиришкендей, сүзүлгөн жеңил унаа М.А. аттуу майорго таандык болгон. Ал унаасын түнкү саат үч чамасында жумушунун алдына токтоткон.
[ads-quote-center cite=’деди майор.’]«Эртең менен болжол менен саат алтыда күзөттө турган аскерлер менин унаамды сүзүп кетишкенин айтышты. Чыксам, кичи автобус менин унаамды гана эмес, жол четиндеги жол белгилерин дагы жыгып барып, өзү арыкка түшүп токтоптур. Жол кырсыгы катталган жерге 102 кызматы чакырылып, алар кичи автобусту жүктөп кетип жатыптыр»,[/ads-quote-center]Кичи автобустун айдоочусу окуя болгон жерден качып кеткендигин Жол кыймылынын коопсуздугун көзөмөлдөө башкы башкармалыгынан билдиришти.
[ads-quote-center cite=’дешти аталган кызматтан.’]«102 аркылуу чакыруу болгон. Келсек бир жеңил унааны кичи автобус сүзүп кетиптир. Андан тышкары, жол четиндеги белгилер жарактан чыгыптыр. Кичи автобустун ичинде курулуш материалдары бар экен. Анын айдоочусу унаасын өчүргөнгө дагы жетишпей качыптыр. Жабыркагандар жок», [/ads-quote-center]Учурда тергөө иштери жүрүп жатат.
