Кытайда коронавирустан өлгөндөрдүн саны 2 715 кишиге жетти, 29 700 киши айыкты. Дагы 78 миң адам вирусту жугузуп алган. Кытайдын Улуттук саламаттык сактоо комиссиясы жаңы катталган учурлар азая баштаганын маалымдады.
Оорунун жайылышы жагынан Хубэй провинциясы алдыда турат. Аймакта илдеттен 2600дөн ашуун киши өлдү.
Жер жүзүндө вирус 80 миңден ашуун кишиге жугуп, 2800дөн ашык адамдын өмүрүн алды.
