2020-жылдын 13-майына карата өлкөдө коронавирус жуктурган жаңы 7 учур катталды. Бул туурасында саламаттыкты сактоо министринин орун басары Нурболот Үсөнбаев билдирди.
- Чүй облусунда — 5
- Ош облусунда — 1
- Нарын облусунда — 1
«Биз бул санды көптөн күтүп келгенбиз, абал оңолуп баратат. Акыркы суткада аныкталган учурлардын баары — байланышта болгондор. Алардын бири алыска жүк ташыган айдоочу. Ал өнөктөшү менен Өзгөнгө келгенде, аларды текшеришкен. Үчөө бир үй-бүлө мүчөлөрү», — деди Үсөнбаев.
Өлкөдө бардыгы болуп 1 044 адамдан оору катталды. Айыгып чыккандардын саны — 726. Каза тапкандар -12.
