Ысык-Көл облусунун аймагындагы Тескей Ала-Тоодо күчү 3,5 баллга жеткен жер титирөө катталды.
ӨКМдин басма сөз кызматынан кабарлашкандай, жер титирөө кечээ, 27-апрелде болжол менен саат 22:18 чамасында катталган.
Маалыматка ылайык, жер титирөө Тоң районунун Кажы-Саз айылында 3 балл, Кажы-Сай шаарчасында жана Туура-Суу айылында 2,5 баллга чейин сезилген.
Такталган маалымат боюнча жер титирөөдөн жабыркагандар жана кыйроолор катталган жок.
