АКШда өзбек жараны терроризмге байланышкан кылмышка айыпталууда

Автор -
epa04637536 A courtroom sketch shows Akhror Saidakhmetov (L), 19, of Kazakhstan and Abdurasul Hasanovich Juraboev (R), 24, of Uzbekistan, and court interpreter Akhror Saidakmetov (C) appear in Federal District Courthouse were three men who arrested for allegedly providing material support to the group ISIS were arraigned in Brooklyn, New York, USA 25 February 2015. The three men have been identified as Abdurasul Hasanovich Juraboev, Akhror Saidakhmetov, and Abror Habibov. EPA/Jane Rosenberg

АКШнын федералдык соту Өзбекстандан барган качкын Бахтияр Жумаевди терроризмге байланышкан эки кылмышка күнөөлүү деп тапты.

The Denver Post гезити Жумаев «Ислам жихадынын биримдиги» аттуу террордук топко каржылык жардам көрсөткөн жана ал уюмдун катарына кирүүгө аракет кылган деп айыпталган. Прокурорлордун маалыматы боюнча өзбекстандык качкын атайын коддор аркылуу террордук топтун эсебине 300 АКШ долларын которгон.

30-апрелдеги сот отурумунда адвокат Дэвид Савиц (David Barry Savitz) Бахтияр Жумаевге тагылган айыптарды четке кагууга аракет кылып, ал 300 долларды карызынан кутулуу үчүн которгонун айтты.

Бирок прокурордун жардамчысы Грегори Холлоуэй (Gregory Holloway) 2012-жылы Федералдык иликтөөлөр бюросунун агенттери тарабынан жүргүзүлгөн сурак маалында өзбек жараны акчаны аталган уюмдун эсебине которгонун моюнуна алганын билдирди.

Өз кезегинде адвокат анда Жумаевден жалган көрсөтмө алынганын белгиледи.

Анын айтымында, Жумаев көрүстөндө иштеп чыккандан кийин кармалган. «Ошондуктан ал үч сааттык сурак маалында чарчаган жана корккон абалда болгон. Ал анда өзүн капканга түшүп калгандай сезген», – деди адвокат сотто.

The Denver Post гезитинин маалыматына караганда, Бахтияр Жумаевге карата өкүм 18-июлда чыгат.

Акыркы жылдары АКШда бир нече өзбек жараны терроризмге байланышкан кылмыштарга айыпталган. Алсак, Кошмо Штаттарга Өзбекстандан барган Сайфулло Саиповго Нью-Йоркто адамдарды унаа менен сүзүп өлтүргөн деген айып тагылган.

 

Бөлүшүү