Ноокат районундагы кечээ, 5-июнда болжол менен саат 16:30 чамасында жаан менен кошо мөндүр жаады.
ӨКМдин басма сөз кызматынын маалыматына ылайык, Кыргыз-Ата айыл аймагындагы Ак-Булак айылында 3 турак үйдүн чатырларынын шиферлерин мөндүр талкалап, жараксыз абалга алып келген.
«Мөмө-жемиштерге аз өлчөмдө (алма, өрүк) зыянын тийгизген. Ошондой эле Көтөрмө айылынан өткөн Шамай селканасынан сел суулары аккан. Айдоо аянттарына жана адам өмүрүнө зыян келтирилген эмес»,-деп айтылат маалыматта.
Бүгүн райондук Жарандык коргонуу комиссиясы тарабынан материалдык чыгымдарын тактоо иш-чаралары жүргүзөт.
