Ош шаарынын Ленин көчөсүндө жайгашкан курулуш материалдарын саткан дүкөндөн өрт чыккан. ӨКМдин басма сөз кызматынан кабарлашкандай, өрт бүгүн, 4-июлда болжол менен саат 10:47де катталган.
Өрт саат 11:05де чектөөгө алынып, 11:38де толугу менен өчүрүлгөн.
Маалыматка ылайык, өрт өчүрүү үчүн жалпысынан 3 бөлүм тартылган. Учурда келтирилген чыгым жана өрттүн келип чыгуу себеби такталууда.
