«Акыркы сутка ичинде республиканын аймагында 16 өрт кырсыгы катталды. Аларды өчүрүүгө 18 бөлүм жөнөтүлдү», -деп билдирди ӨКМдин басма сөз кызматы.
Маалыматка ылайык, кечээ Баткендеги Айдаркен шаарынын А.Масалиев көчөсүндө жайгашкан турак үйдүн бөлмөсүндө өрт чыккан. Анын кесепетинен полу жана үй тиричилик буюмдары күйүп кетти. Адамдар жабыркаган эмес. Учурда өрттүн себеби такталып жатат.
Ал эми Ысык-Ата районундагы Кеңеш айылында жыгач устундуу шифер жабылган турак үйдүн 40 чарчы метр чатыры күйгөн. Өрт отко этиятсыздык менен мамиле кылуудан келип чыккан.
