Бишкекте Бүткүл дүйнөлүк тоо форуму уюштурулуп, ага 40тай өлкөнүн өкүлдөрү катышат. Бул тууралуу Борбор Азия университетинен билдиришти.
Маалыматка ылайык, форумга Борбор Азияны, ошондой эле Латын Америкасын, Африканы, Азия-Тынч океан регионун жана Европаны кошкондо, түрдүү тоолуу региондордон жаштардын 19 өкүлү катышат. Аталган иш-чара 23-26-октябрь күндөрү өтөт.
Форумда өзгөчө Кыргызстандын жана Борбор Азиянын тоолуу аймактарынын абалы, экологиянын, климаттын өзгөрүшү, суу, бийик тоолуу аймактарга инвестиция тартуу, жакырчылык өңдүү бир катар маселелер талкууланат.
22-октябрда Бишкектеги Гапар Айтиев атындагы көркөм-сүрөт музейинде Борбор Азия, Латын Америка, Африка, Европа аймактарынан келген жаштардын тоо форуму башталат.
