Талас облусундагы Киров суу сактагычынан белгисиз адамдын сөөгү табылды.
ӨКМдин такталган маалыматына ылайык, 29-октябрь күнү саат 18:51де Бакыян айылындагы Киров суу сактагычынын жээгинен белгисиз эркек адамдын сөөгү табылгандыгы тууралуу маалымат “102” кызматынан келип түшкөн.
Жерине КР ӨКМнин №91 Өрт-куткаруу бөлүмүнөн куткаруучулар тартылып, маркумдун сөөгүн суудан чыгарышып ИИМ кызматкерлерине өткөрүп беришкен.
Учурда аты-жөнү такталууда.
