Талас облусунда эки унаа кагышып, 50 жаштагы киши каза болду. Бул тууралуу ӨКМдин маалымат кызматы билдирди.
Маалыматка ылайык, 26-декабрь күнү саат 19:16да Кызыл-Адыр айылында “Хонда-СРВ” үлгүсүндөгү унаа менен “Нива” үлгүсүндөгү унаа кагышкан.
Кырсыктын кесепетинен 1968-жылы туулган К.Т. аттуу эркек киши каза болуп, 2 эркек киши жабыркаган.
Жерине КР ӨКМнин №91 Өрт-куткаруу бөлүмүнүн куткаруучулары тартылып, унаада кыпчылып каза болгон жарандын сөөгүн чыгарып, ИИМ кызматкерлерине өткөрүп беришкен.
Ал эми жабыркагандарды тез жардам кызматы райондук ооруканага алып кеткен.
