Ленин районунун С. Лазо кыска көчөсүндөгү жайгашкан жеке менчик мейманкана өрттөнүп кетти. Бул тууралуу ӨКМдин маалымат кызматы билдирди.
Өрттүн кесепетинен 80 чарчы метр керме шыбы, 8 даана пластик терезе, 4 эшик, 4 керебет, 4 үстөл, 8 орундук, 4 сыналгы, 4 шифоньер, ашкана эмереги, кир жуугуч машина, газ плита, муздаткыч күйгөн.
«Өрттүн чыгуу себеби тиричилик электр шаймандарынын колдонууда өрт коопсуздук эрежелеринин бузулушу»,-деп айтылат маалыматта.
Белгилей кетсек, өткөн сутка ичинде республиканын аймагында 8 өрт кырсыгы катталып, өрттөрдү өчүрүүгө 9 бөлүм тартылган.
