Бишкек шаарында айдоочу унааны башкара албай электр карагайын сүзүп алды. Бул тууралуу ӨКМдин маалымат кызматы билдирди.
Маалыматка ылайык, 17-февраль күнү саат 08:22 чамасында Интергельпо жана Ден Сяопин көчөлөрүнүн кесилишинде Лексус-470” үлгүсүндөгү унаанын айдоочусу рулду башкара албай, унаа жолдон чыгып, электр карагайын сүзгөн.
Жол кырсыгынын кесепетинен 1 адам жабыркаган.
КР ӨКМнин Бишкек шаардык башкармалыгынын Куткаруу кызматынын куткаруучулары жабыркаган адамды унаадан чыгарып, тез жардам кызматына өткөрүп беришкен.
