Опузалап акча талап кылган чет элдик жаран кармалды

Автор -

Кыргыз Республикасынын УКМК кызматкерлери тарабынан өткөрүлгөн ыкчам-тергөө иш-чараларынын жүрүшүндө 3 миң АКШ доллар өлчөмдө акча каражатын алып жаткан учурунда КМШ өлкөлөрүнүн биринин жараны А.Ю. кармалды.

Такталгандай, кармалган адам уюшулган кылмыштуу топтун мүчөлөрү менен байланышта болгондугун айтып, опузалап, ишкерден 10 миң АКШ долларын талап кылган.

«Аталган факт боюнча материалдар КР Кылмыш-жаза кодексинин 203-беренесинде “Опузалап пара талап кылуу” каралган кылмыш белгилеринин негизинде кылмыш жана жоруктардын бирдиктүү реестрине катталды»,-деп айтылат маалыматта.

16-февралда Бишкек шаардык Биринчи Май райондук соту тарабынан А.Ю. карата, убактылуу кармоочу жайына эки айга камоо баш коргоо чарасы каралды.

Азыркы убакта ыкчам-тергөө иш чаралары жүрүп жатат.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү