Бишкекте айдоочу унааны башкара албай тосмону сүзүп алды. Бул тууралуу ӨКМдин маалымат кызматы билдирди.
Маалыматка ылайык, 3-март күнү саат 21:54 Чыӊгыз Айтматов көчөсүндө “Тойота Ленд Крузер” үлгүсүндөгү унаанын айдоочусу рулду башкара албай унаа жолдон чыгып, тосмону сүзгөн.
Жол кырсыгынын кесепетинен айдоочу 1964-жылы туулган А.К. аттуу эркек киши жабыркаган.
КР ӨКМнин Бишкек шаардык башкармалыгынын Куткаруу кызматынын куткаруучулары жабыркаган адамды унаадан чыгарышып, тез жардам кызматкерлерине өткөрүп беришкен.
