Өзбекстанда тилемчи аялга каршы кылмыш иши козголду

Автор -

1-апрелде Ташкенттин Юнусабад районунда тилемчилик кылып жүргөн 59 жаштагы аял кармалды. Бул тууралуу Ташкент шаардык ички иштер башкармалыгынын басма сөз кызматы билдирди.

Мекеменин маалыматына караганда, аял быйыл январда дагы тилемчилик үчүн административдик жоопкерчиликке тартылып, айыппул төлөгөн. Буга байланыштуу ага карата бул жолу тилемчилик кылуу айыбы менен кылмыш иши козголду.

Өлкөнүн Административдик жоопкерчилик тууралуу кодексинде тилемчилик кылуу үчүн бирден үчкө чейинки минималдык айлык акы (ал 202730 сумга же 24 долларга барабар) өлчөмүндө айыппул төлөтүү жазасы каралган.

Мындан тышкары Кылмыш кодексине ылайык, экинчи жолу тилемчилик үчүн кармалган жарандар 240 сааттык коомдук жумуштарды аткарып, 2 жылга чейин түзөтүү иштерине тартылып, бир жылга чейин эркиндиги чектелип же бир жылга түрмөгө камалышы мүмкүн.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү