Баатырбеков: Дамирбек Асылбек уулуна карата саясий чечим чыгып калды

[ads-quote-center cite=’деди Баатырбеков.’]«Жакындары жана юристтери менен кеңешип, чечимге каршы даттанууну ойлонуп жатабыз. Мындай чечимге өзү, жакындары, биз да макул эмеспиз. Буга чейинки соттук териштирүүдө ыкчам тартылган тасманы көргөнбүз. Анда эч кандай күнөөсү жок экени көрүнүп турат. Бул саясий чечим болуп калды окшойт»[/ads-quote-center]

24-апрелде Казакстандын Алматы шаарынын райондук соту Кыргызстандын мурдагы депутаты, аткезчиликке байланыштуу айыпталган Дамирбек Асылбек уулун эки берене боюнча күнөөлүү деп таап, жалпысынан 10 жылга кести. Аны менен кошо кармалган кыргызстандыктар Уланбек Мурадиловду 10 жылга, Чыңгыз Абакировду 8 жылга эркинен ажыратты.

Былтыр 15-16-февралда Казакстандын күч түзүмдөрү Алматы шаарында, Түштүк-Казакстан, Жамбыл облустарында атайын операция жүргүзүшкөн. Анын алкагында Жогорку Кеңештин мурдагы депутаты менен кошо Кыргызстандын дагы эки жараны – Уланбек Мурадилов менен Чыңгыз Абакиров камалган. Казак бийлиги кармалгандардан «чек арадан аткезчилик менен ири өлчөмдө жүк өткөрүү менен алектенет» деп шек санаган.

Кыргызстандын Борбордук шайлоо комиссиясы Дамирбек Асылбек уулун депутаттык мандаттан 16-апрелде ажыраткан. 37 жаштагы Дамирбек Асылбек уулу «Кыргызстан» партиясынын тизмеси менен 2015-жылы Жогорку Кеңештин депутаттыгына шайланган.