Бишкекте 1-июндан баштап №5 жана №14 номерлүү троллейбустардын каттамы өзгөрөт. Бул тууралуу мэриядан билдирди.
Маалыматка ылайык, транспорт каражаттарынын каттамдарынын убактылуу өзгөрүшү Жайыл баатыр көчөсүндөгү оңдоо иштерине байланыштуу болууда. Жолду оңдоо иштери 15-июнга чейин уланат. Анда Жайыл баатыр көчөсүнүн Тыналиев менен Садырбаевге чейинки бөлүгү оңдолот.
№5 номерлүү троллейбус Ажыбек көчөсү менен «Тунгуч — «Аэрофлот» агенттиги тарапка каттайт.
Ал эми №14 номерлүү троллейбус «Киркомстром — «Аэрофлот» агенттиги тарапты көздөй багыт алат.
