Петербургда 15 жаштагы мектеп окуучусу 49 жаштагы өзбекстандыкты өлтүргөн (Видео)

Автор -

Орусиянын Ленинград облусунда 49 жаштагы өзбекстандыкты өлтүрүү шеги менен 15 жаштагы мектеп окуучусу кармалды.

Орусиянын Тергөө комитетинин маалыматына караганда, “Киши өлтүрүү” беренеси боюнча кылмыш иши козголду.

Окуя Всеволожский районунун Лесколово кыштагында болгон. 28-июнда скутер тээп бараткан өспүрүм көчөдө өзбекстандык кишиге жол берген эмес. Экөө чатактага кеткен. Мектеп окуучусу каршылашынын жүрөк тушуна бычак сайган. Ал жергиликтүү оорукананын жандандыруу бөлүмүндө көз жумган.

Сурак учурунда өспүрүм күнөөсүн мойнуна алган. Сот шектүүнү үй камагына бошотту.

Маркум Хикматулло Розиковдун артында эки баласы калды.

Өзбекстандын Санкт-Петербург шаарындагы башкы консулдугу окуяны өз көзөмөлүнө алды.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү