Индияда дарыгерлер баланын 526 ашыкча тишин жулуп салышты (видео)

Автор -
224

Индиянын Ченнай шаарында дарыгерлер 7 жаштагы баланын 526 ашыкча тишин жулуп салышты. Бул туурасында «апрель.тв» The New Indian Express гезитине шилтеме берип жазды.

Бала дарыгерлерге астыңкы жаагынын оң бурчунда өсүп жаткан шишиктер тынчын алып жатканын айтып, кайрылган. Рентген жана компьютердик томография балада көп сандагы майда рудиментардык тиштер бар экенин көрсөткөн.

Бир жарым саатка созулган операциядан кийин дарыгерлер салмагы 200 граммдык шишикти алып салышкан. Ал эмнеден пайда болгону азырынча так белгисиз. Дарыгерлер буга генетика жана курчап турган чөйрө себепкер деп болжолдошот. Адистер ошондой эле, баланын ден соолугуна мобилдик байланыш мунараларынан тараган нурдануу таасир этиши мүмкүндүгүн четке кагышпайт.

«Компьютердик томографиянын жыйынтыктарын алганыбызда, биз операциянын ийгиликтүү өтөрүнөн шектенгенбиз. Бирок, эркибизди жыйнап, тобокелге салдык», -деп билдирген баланын атасы.

Эми Равиндран өзү менен тең балдар сыяктуу эле 21 тиштин ээси. Бирок тиш доктурлар бала 16 жашка чыкканда тиш имлантаттарын салуу зарылчылыгы жаралышы мүмкүн экенин эскертишти.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү