Бишкекте 12 жаштагы Бебеза Саид Идрисович изделүүдө. Бул тууралуу ШИИББинин маалымат кызматынан кабарлады.
Маалыматка ылайык, 18-сентябрь күнү Бишкектеги Свердлов РИИБине шаардын жашоочусу кайрылып, арызында уулу дайынсыз болуп жатканын жазган. Ага ылайык, уулу 16-сентябрь күнү саат 15:00 чамасында Дордой конушундагы үйүнөн чыгып кеткен бойдон кайтып келе элек.
Учурда баланын жүргөн жери белгисиз. Бул факты Кылмыштардын жана жоруктардын бирдиктүү реестрине катталды.
Анын белгилери: бою 145-150 сантиметр, орто дене түзүлүштө, чачы кыска, кара. Кийген кийимдери — ак көйнөк, кара шым, бутуна кара түстөгү спорттук бут кийим кийип жүргөн.
Аны көргөн-билгендер болсо же ал тууралуу маалыматы барлар (0553)102387, (0702) 228505, (0702 )498888, (0552) 102743 жана 102 номерлерине байланышып коюну Бишкек ШИИББи өтүнөт.
