Калаа милициясы дайынсыз болуп жаткан өспүрүм Саид Бебезаны тапты. Бул туурасында Бишкек шаардык ИИБден билдиришти.
Ушул жылдын 18-сентябрында Бишкек шаардык Свердлов РИИБине калаа тургуну И.Н. арыз менен кайрылып, 11 жаштагы уулу Саидди табышып коюуну суранган. Ал 16-сентябрь күнү саат 15:00 чамаларында «Дордой» конушундагы үйдөн чыгып кеткен боюнча, кайра келген эмес.
Бул факт бирдиктүү реестрге катталган.
21-сентябрда ыкчам-издөө иш-чараларынын жүрүшүндө Жаш Гвардия бульварындагы «Дельфин» бассейнинен алыс эмес жерден Саид Бебеза аман-эсен табылган. Бала ата-энесине өткөрүлүп берилди.
