Бишкек-Ош жолундагы кырсыктан төрт киши каза таап, он бири жабыркады

Автор -

Бишкек-Ош жолунун 163-чакырымында (Суусамыр өрөөнү) «Мерседес-Спринтер» жана «Хонда-Степ» машиналарынын катышуусуна жол кырсыгы катталды. Бул тууралуу Өзгөчө кырдаалдар министрлигинен билдиришти.

Кырсык 24-ноябрь күнү саат 23:50 чамасында болгон. Анын кесепетинен бир бала (4-5 жаштагы) жана үч аял киши мүрт кетип, 11 адам (эки эркек, алты аял жана үч бала) жабыркады (алардын аты-жөнү такталууда).

Өзгөчө кырдаалдар министрлигинин басма сөз кызматы тараткан маалыматка караганда, куткаруучулар жол кырсыгынан жаракат алгандарды «Тез жардам» кызматына, каза болгондордун сөөгүн Ички иштер министрлигинин (ИИМ) кызматкерлерине өткөрүп беришти.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү