Россияда 28 жаштагы цирк артисти Стивен Салло мотоциклчен трюк көрсөтүп жатып, 4 метр бийиктиктен кулап түштү. Кырсык Москванын түндүк-чыгышында жайгашкан Сергиев Посад шаарында болгон.
Көрүүчүлөр бул учурду тасмага тартып калышкан. Кадрларда артист чоң шардын ичинде мотоцикл менен ары-бери айланып жатканын көрүүгө болот. Анын ылдамдыгы улам жогорулап отуруп, бир маалда өнөрпоз мотоцикли менен кулап түшкөн.
Маалыматка караганда, Салло башынан жаракат алып, денеси көгөрүп ооруканага жеткирилген.
