Кыргыз Республикасынын Эмгек сиңирген артисти Мирбек Атабеков менен АКШнын Кыргыз өлкөсүндөгү элчилигинде иштеген дипломат Жаңы жылдык чыгармаларды чогуу аткарышты. Видеону АКШнын элчилиги Жаңы жылдык куттуктоо иретинде даярдаган.
Видео элчиликтин интернеттеги расмий баракчасына жарыяланган. Анда дипломат айым «Жаңы жылды тосолу» чыгармасын кыргыз тилинде аткарса, Мирбек Атабеков «Jingle Bells» чыгармасын англис тилинде ырдаган.
