Токтогул районунда жол кырсыгынан бир адам каза таап, алты киши жаракат алды. Бул тууралуу Өзгөчө кырдаалдар министрлигинен билдиришти.
«Бишкек-Ош унаа жолунун 293-чакырымында (Көтөрмө тилкеси) «Хонда Стрим»
үлгүсүндөгү унаа жолдон чыгып оодарылып кеткен. Жол кырсыктын кесепетинен 1 эркек адам каза болуп, 6 адам ар түрдүү жаракат алышкан. Куткаруучулар каза болгон адамдын жансыз денесин унаадан чыгарып «Тез жардам» кызматкерлерине өткөрүп беришкен», — деп айтылат маалыматта.
Ишке 5 куткаруучу тартылган.
