Сокулукта кичи автобус менен жеңил унаа кагышып, 3 адам каза тапты. Бул туурасында жергиликтүү ЖМКлар жазып чыгышты.
Маалыматка караганда, кырсык бүгүн, 21-январда болжол менен 6:00 чамасында Бишкек-Ош унаа жолунда, Сокулукка жакын жерде болгон.
Mercedes-Benz Sprinter үлгүсүндөгү эл ташыган маршруттук такси менен Honda Accord кагышкан. Кесепетинде 3 киши каза таап, жети адам жаракат алып, Сокулуктун ооруканасына жеткирилген.
