Бишкекте жол кыймылынын эрежесин бузгандыгы үчүн айып пул төлөбөгөн айдоочулардын унаалары атайын токтотмо жайга алынып кете баштады. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, 15-16-февраль күндөрү патрулдук милиция кызматкерлери атайын рейд кылып, анда 4 миң 122 жол эрежесин бузган учур катталган. Анын ичинен 297 унаа айып короосуна токтотулса, 80 айдоочу унааны мас абалда башкарып бара жаткан жеринен кармалган. Ал эми 26 айдоочу унаасынын терезесин караңгылатканы үчүн кармалса, 20 унаа атайын токтотмо жайга киргизилген.
Ошондой эле жол кыймылынын кызматкерлери жол эрежесин бузган айдоочулар бир айдын ичинде айып пулун төлөбөсө, анда унаалар атайын токтотмо жайга алынып келе баштаарын эскертет.
