Сузак районунун аймагында өзгөчө кырдаал киргизилди (видео)

Автор -
209

Сузак районунун аймагында өзгөчө кырдаал киргизилди. Бул тууралуу райондун акими Эрмек Омошев маалымдады.

Анын айтымында, жарандык коргонуу комисиясынын чечиминин негизинде райондун аймагына биологиялык-социалдык мүнөздөгү өзгөчө кырдаал киргизилди. Тактап айтканда, коронавирус учуру катталган Благовещенка жана Бостон айылдарындагы үй-бүлөлөрдүн бир-бирине каттоосуна чектөө коюлуп, район боюнча үйдө той-аш өткөрүүгө жана чогулууга тыюу салынды.

Саламаттык сактоо министри Космосбек Чолпонбаевдин маалыматына караганда, Кыргызстанда 18-мартка караган түнү ооруга катталган үч киши аныкталды. Бул тууралуу коронавирустун алдын алуу штабынын 18-марттагы чукул жыйынында кабарланды. Алар 70, 62, 43 жаштагы Сауд Арабиясында умра сапарына барып келгендер.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү